दशौं इक्यान शैक्षिक मेला काठमाडौंमा सुरु (फोटोफिचर)
अनलाइनखबर
२८ जेठ, काठमाडौं । नेपाल शैक्षिक परामर्श संघ (इक्यान)को आयोजनामा शुक्रबारदेखि बृहत शैक्षिक मेला सुरु भएको छ । आजदेखि राजधानीको भृकुटीमण्डपमा सुरु दशौं इक्यान मेला २०७३ सोमबारसम्म चल्नेछ ।
मेलमा नेपाली विद्यार्थीलाई देश तथा विदेशमा रहेका अवसरहरुबारे परामर्श दिइने संयोजक रमेश वाग्लेले बताए । विदेशका कलेज, त्यहाँ अध्यापन हुने कोर्ष, विभिन्न देशको भिसा नीति लगायतका बारेमा मेलामा जानकारी दिन लागिएको छ ।
मेलमा परामर्श दिने संस्थाहरुको २ सय २५ स्टल र २५ वटा पेभिलियन छन् । अभिभावक, विद्यार्थीलाई सुचित गराउने मुख्य उद्देश्य राखर मेला गरिएको आयोजकको भनाइ छ ।
मेलामा अष्ट्रेलिया र अमेरिकाको नयाँ भिसा नितीको बारे पनि जानकारी दिइने संयोजक वाग्लेले बताए । मेलामा अष्ट्रेलियाका १८ र न्यूजिल्याण्डको आठ वटा शैक्षिक संस्थाले इक्यानमार्फत सहभागिता जनाएका छन् । भारत, जापान लगायतबाट पनि शैक्षिक संस्थाले मेलमा परामर्श दिनेछन् ।
चीन, बांगलादेश, फ्रान्स, बेलायत, अष्ट्रेलिया, आयरल्याण्ड, नर्वे, फिनल्याण्ड, मलेसिया, जर्मन, रुस, डेनमार्क लगायत देशका कलेज तथा विश्वविद्यालयका प्रतिनिधिहरु सहभागी छन् ।
इक्यान शैक्षिक मेला वन अप ईभेन्ट्स एण्ड मिडिया सोलुसन्सले संयोजन गरेको हो । मेलामा एक लाख पचास हजार भन्दा बढी विद्यार्थी र अभिभावकले अवलोकन गर्ने अनुमान गरिएको वाग्लले बताए ।
२०७३ जेठ २८ गते १८:१८ मा प्रकाशित
फेसबुकबाट तपाईको प्रतिक्रिया
यसमा तपाइको मत
सम्बन्धित शीर्षकहरु
Also you may like this
